Robin shure in Hairst

CHORUS.Robin shure in hairst,I shure wi' him,Fient a heuk had I,Yet I stack by him.

I gaed up to Dunse,To warp a wab o' plaiden,At his daddie's yett,Wha met me but Robin.

Was na Robin bauld,Tho' I was a cotter,Play'd me sic a trickAnd me the eller's dochter?Robin shure, &c.

Robin promis'd meA' my winter vittle;Fient haet he had but threeGoose feathers and a whittle.Robin shure, &c.