The Ranting Dog the Daddy o't

O wha my baby clouts will buy?O wha will tent me when I cry?O wha will kiss me where I lie?But the ranting dog the daddy o't.O wha will own he did the faut?O wha will buy the groaning maut?O wha will tell me what to ca't?But the ranting dog the daddy o't.

When I mount the creepie chair,Wha will sit beside me there?Gie me Rab, I'll ask nae mair,The ranting dog the daddy o't.Wha will crack to me my lane?Wha will make me fidging fain?Wha will kiss me o'er again?But the ranting dog the daddy o't.