122 - PER LE GABELLE E DAZI ESORBITANTI IMPOSTI DAL MINISTRO PRINA NON SI PENSA PIÙ A FOTTERE

PER LE GABELLE E DAZI ESORBITANTIIMPOSTI DAL MINISTRO PRINANON SI PENSA PIÙ A FOTTERE

Anca el negozzi della passerinael stà pocch i mee donn a andà in bordell,ché i temp hin stremii e el minister Prinael ne porta via el rest coj sò gabell.

Col granee voeuj, con succia la cantina,col boja che ne tira in coo la pell,vorrav vedè quell muso, giuradina!che fuss in cas de fà stà in pee l’usell.

E anch s’el fuss in cas de fall stà in pee,vorrav vedè coluu che pò compralla,senza vin, senza gran, senza danee.

Me despias per violter i mee donn,ché per mì la mia ciolla poss mennallaa dispett del sur Prina e di vost monn.