145 - AI VENEZIANI CHE DEL 1816 IMPLORARONO S. M. I. R. PER NON ESSERE DIPENDENTI DA MILANO

AI VENEZIANICHE DEL 1816 IMPLORARONO S. M. I. R.PER NON ESSERE DIPENDENTI DA MILANO

Ma che bravi Venezian!L’han cattaa lor el momentde mostrass Italianpatrioti cold e bujent.

Che l’han ditt ciar e destespropri a lu, all’Imperatorche no voeuren Milanesin l’Italia soa de lor;

e de fatt per gent sovrannache han faa, ditt e bordegaa,l’è de giust, ghe va la cannache l’è on segn de nobiltaa!

Quant a nun, semm gent indegnade mes’ciass con tanta gloria,nun che portem per insegnadel paes sgriscia e sciloria.

Andee là car Pantaloni,Dio ve faga soddisfaa,che per nun pover mincionistemm mej soll che mal cobbiaa.