47 - Mò sissignor, no gh'hoo vergogna a dill

Mò sissignor, no gh’hoo vergogna a dill,hoo vorsuu ben anca a Napoleon,e fina tant che l’è staa lu el patrongh’hoo faa onor col servill, coll’obbedill;

e adess dighi, e sont pront a sostegnill,ch’anca a Franzesch ghe vuj ben benonon.Cazzo! el me paga, e sarev ben birbonse avess minga de amall, de benedill!

E quest ghe provarà che mì i sovrani rispetti, i obbedissi, e i lassi fà,e ghe sont grato quand ghe mangi el pan.

Che infin poeù el voeur dì quest, che in del me coeuralmanch quajcoss de bon ghe stà de cà,che in del sò ghe stà fors quell che Dio voeur!