2 - Conzess per vera, el mè car sur Giavan

Conzess per vera, el mè car sur Giavan,che lu el parla con pasta de zecchin,e che a l’incontra nun goff de Milanparlem con pasta sgresgia de quattrin;

ch’el me traga on poo in spezz sto bell sovrandisendem chi tra lu e nun Meneghinsarav pù scior cont ona dobla in man,nun tutta in ramm e lo tutta in or fin?

E quand lu col sò or, nun col nost rammvegnissem a coo a coo in di medemm spes,che differenza mai porral trovamm?

Credi, el me sur Giavan, che tutt al pùla differenza la starà in del pes...Oh! se la va a leggier l’ha reson lu!