5 - Cazzo! el me dis che i soeu paroll toscann

Cazzo! el me dis che i soeu paroll toscannhin tutta grazia, tutta ziviltaa,e poeù dopo el né sgogna a brazz de pannsenza che gh’abbiem faa né ben né maa?

Ma cazzo, s’el voreva strapazzann,el doveva almanch fall in sbottasciaa,sbassass, com’el dis lu, trattann, parlanncont el lenguagg di goff e di rabbiaa!

Inscì mò, coss’hal faa con la soa platta?L’ha sassinaa de pianta i soeu argumente el s’è desfaa lu de per lu la fatta,

e col vorè sta sù e fà el caga in l’ollal’ha obblegaa a volzass nun per stagh arente a digh sù in bon toscan Stelle che Chiolla!