76 - RISPOSTA A ONA LETTERA IN VERS D'ON AMIS AMMALLAA CONT ON BUGNON

RISPOSTA A ONA LETTERA IN VERSD’ON AMIS AMMALLAA CONT ON BUGNON

Per l’abbondanza porca bolgironnache somenen al mond i vers e i rimm,compatissi el tò pret mì per el primms’el te secca la pippa e s’el tontonna.

Magara inscì quell’olter pret mincionche m’ha insegnaa a zappà in del carimaal’avess faa onor al mè primm vers che hoo faacont ona bona salva de coppon.

Ch’el m’avarav almanch schivaa l’impiccde scusamm tutt i dì con certi goffche vorraven di rimm su tutt i loffcome se i rimm se fassen cont el ghicc.

Ma adess ch’el maa l’è faa già l’è tuttuna.Sont vecc, e quant a mì gh’è pù remedi;e in quant a tì pò dass! ma infin prevedich’el tò sur barba el bajarà a la luna.

Perché quand no te rivet a desvergesde la smania di vers nanch coj bugnon,no cred ch’el possa indutt a la resons’el drovass anch el manegh de l’asperges.

Intant per el bugnon la providenzala t’ha giamò lì bell e preparaaquatter fraschett de malba, el pan grattaa,el lacc, i piumazzitt e la pascienza.

Tant che speri in virtù de sta rizettade vedett posdoman svelt e spediia lassà la crosera di feriiper ciappà post in quella di poetta.