L’âme insensible

Ô Fierté ſans exemple ! ô rigueur ſans ſeconde !À quel mal-heur, ô Dieux, m’auez vous deſtiné,Et quel crime ay-ie fait pour me voir condamnéÀ me plaindre touſiours ſans que l’on me reſponde ?

Aux peines que ie prens ie ſeme deſſus l’onde,Et flattant les beaux yeux qui m’ont empoiſonnéIe ne puis eſmouuoir vn courage obſtinéD’vne amour qui pourroit eſbranler tout le Monde.

Pleuray-ie inceſſamment, on ſe rit de mes pleurs,Monſtray-ie mes ſoucis, on les prend pour des fleurs,Contay-ie mon ardeur, on ne croit point ma flame.

Et lors que i’ay la Terre & les Cieux pour teſmoins,Qu’auec le plus d’excés on outrage mon ame,C’eſt quand on fait ſemblant qu’on y penſe le moins.