Le Favory mal content

IE proteſte deuant les CieuxD’adorer à iamais vos yeuxDans vne Conſtance inuincible :Encore qu’en chaque actionVoſtre humeur vrayment inſenſibleSe mocque de ma paßion.

Ie le dis auec veritéIamais rien que voſtre beautéN’a trouué place dans mon Ame :Et pour ſe faire mon vainqueurAmour auec vne autre flameNe pouuoit entrer dans mon cœur.

Ie ſçay bien que i’ay mille foisApellé des obiets mes Rois

Dont ie n’eſtois point tributaire :Et iuré que pour leurs appasI’eſtois penſif & ſolitaireQuand meſme ie n’y penſois pas.

I’ay souuent feint vne langueurPour accuſer vne rigueurQui m’eſtoit fort indifferente :Et loüé mille appas charmantsAu viſage d’vne Amarante,Contre mes propres ſentimens,

Mais depuis que vous m’engagezTous ces ſubjects ſont bien vangezDes paßions qu’ils m’ont veu feindre :Et cette ardeur me punit bien,Des maux dont on m’entendoit plaindreAlors que ie ne ſentis rien.

Yris ie n’ay plus de repos,Mon ſouuenir à tous proposMe vient repreſenter vos charmes :Et perſant à vos cruautezIe ne fais que verſer des larmes,Sur l’image de vos beautez.

La Cour du Prince que ie ſersMe deſplaist au prix des deſerts ;Sa faueur meſme m’importune,Car le plus digne traictement,Que me peut faire la FortuneNe peut adoucir mon tourment.

Dequoy me ſert la vanitéQu’vne iuſte proſperitéM’eſleue au deſſus de l’Enuie :Et qu’vn monde vouluſt perirAfin de prolonger ma vie,Quand Iris me laiſſe mourir ?