Le Ravissement d’Europe

EVROPE s’apuyant d’vne main ſur la croupe,Et ſe tenant de l’autre aux cornes du Taureau,Regardoit le riuage & reclamoit ſa troupeQui s’affligeoit de voir cét accident nouueau.

Tandis, l’amoureux Dieu qui bruſloit dedans l’eauFend ſon jaspe liquide & de ſes pieds le coupeAuſſi legerement que peut faire vn vaiſſeau,Qui le vent fauorable a droitement en poupe.

Mais Neptune enuieux de ce rauiſſement,Diſoit par moquerie à ce laſcif AmantDont l’impudique ardeur n’a iamais eu de bornes.

« Inconſtant qu’vn ſujet ne ſçauroit areſter,« Puiſque malgré Iunon tu veux auoir des Cornes,« Que ne ſe reſout-elle a t’en faire porter.