Τις δε βίος

τίς δὲ βίος, τί δὲ τερπνὸν ἄτερ χρυσῆς Ἀφροδίτης;τεθναίην, ὅτε μοι μηκέτι ταῦτα μέλοι,κρυπταδίη φιλότης καὶ μείλιχα δῶρα καὶ εὐνή,οἷ' ἥβης ἄνθεα γίγνεται ἁρπαλέαἀνδράσιν ἠδὲ γυναιξίν· ἐπεὶ δ' ὀδυνηρὸν ἐπέλθῃ 5γῆρας, ὅ τ' αἰσχρὸν ὁμῶς καὶ κακὸν ἄνδρα τιθεῖ,αἰεί μιν φρένας ἀμφὶ κακαὶ τείρουσι μέριμναι,οὐδ' αὐγὰς προσορῶν τέρπεται ἠελίου,ἀλλ' ἐχθρὸς μὲν παισίν, ἀτίμαστος δὲ γυναιξίν·οὕτως ἀργαλέον γῆρας ἔθηκε θεός. 10