Poème 174

Las ! force m'est qu'en brullant je me taise,Car d'autant plus qu'esteindre je me veus,Plus le desir me ralume les feus,Qui languissoient dessous la morte braise.

Si suis-je heureus, (& cela me rapaise)De plus soufrir que soufrir je ne peus,Et d'endurer le mal dont je me deus.Je me deus ? non, mais dont je suis bien aise.

Par ce dous mal j'adorai la beauté,Qui me liant d'une humble cruautéMe dénoüa les liens d'ignorance.

Par lui me vint ce vertueus penser,Qui jusqu'au ciel fit mon coeur élancer,Aelé de foi, d'amour & d'esperance.