Comment il fault nourrir les enfans

Quand une fois mal assis a estéLe fondement de la nativité,Force est que ceux qui de tels parents sortent,D'autruy peché la penitence portent.

Qui sent son pere ou sa mere coulpableD'aucune chose à l'homme reprochable,Cela de cœur bas et petit le rend,Combien qu'il l'eust de sa nature grand.

Dés que l'homme est en sa premiere enfance,Monstrer luy faut du bien la cognoissance.

Langue je n'ay diserte et affileePour haranguer devant une assemblee :Mais en petit nombre de mes egaux,C'est là où plus à deviser je vaux :Car qui sçait mieux au gré d'un peuple dire,Est bien souvent entre sages le pire.

Mais le soudart de seiche corpulenceAiant acquis d'armes experience,C'est luy qui rompt des ennemis les rengs,Et en tous lieux force ses concurrents.

Si tu vas peu avecques peu mettant,Et plusieurs fois ce peu la repetant :En peu de jours tu verras cela croistre,Qui par avant bien petit souloit estre.

Quand l'un des deux qui disputent ensembleEntre en courroux, plus advisé me sembleCeluy qui mieux aime coy s'arrester,Que de parole ireuse contester.

Amour n'est pas tousjours celuy du corps,Un autre y a qui n'appéte rien, forsL'ame qui soit vestue d'innocence,De chasteté, justice, et continence.

Eurydicé HierapolitaineA de ces vers aux Muses fait estraineQui en son cœur luy feirent concevoirL'honneste amour d'apprendre et de sçavoir :Si que ja mere, et ses fils hors d'enfance,Pour acquerir des lettres cognoissance,Où sont compris des Sages les discours,Elle donna travail à ses vieux jours.